Biennale Bregaglia 2026 – «Transito»

Prads verds savurus, vitgs cun cultura svizra sper cultura taliana, vasts guauds da chastagners, muntognas pussantas – uschia sa preschenta la Bregaglia a las viagiaturas ed als viagiaturs che passan tras. Ma quest'idilla da la Val Bregaglia vegn enritgida mintga dus onns durant ils mais da stad cun ovras d'art captivantas, interessantas e contemporanas. Artistas ed artists naziunals ed internaziunals preschentan lur art en differents lieus en la val ed avran novas perspectivas sin la Bregaglia a las visitadras ed als visitaders.

Dals 7 da zercladur fin ils 27 da settember 2026 ha lieu la quarta ediziun da la Biennale Bregaglia. Sut il motto «Transito» maina ella las visitadras ed ils visitaders da Malögia fin al cunfin dal pajais a Castasegna. Quest onn vegn l'exposiziun cumplettada cun ina collavuraziun da Porta Cultura cun las instituziuns culturalas bregagliottas: Objects e documents istorics entran en dialog cun las ovras d'art contemporanas e creeschan novas relaziuns.

Transito, il passagi e la traversada, è en Bregaglia, ina val tranter l'Engiadina e l'Italia, da vegl ennà in tema marcant. En quest connex na stat transit betg mo per il moviment fisic, mabain medemamain per midadas istoricas, culturalas e midaments da la cuntrada. Quai sa mussa tant en las ovras d'art contemporanas da la Biennale Bregaglia 2026, sco er vi dals objects e documents istorics da las instituziuns culturalas bregagliottas.

Cun in grazia fitg spezial a l’Hannes-Gruber-Kunstkabniett, a la Società Storica Bregaglia, a la Fondazione Garbald, a la Pro Grigioni Italiano, a la Ciäsa Granda und Atelier Giacometti ed a la Varlin Archiv.

Tgi che vul experimentar l'istorgia, la cultura e la lingua bregagliotta sur la Biennale Bregaglia ora, è cordialmain envidà da visitar ils museums, ils archivs e las exposiziuns bregagliottas al lieu.